اے ابو ذر! کشتی کی اچھی طرح دیکھ بھال کرلو کیونکہ سمندر بہت گہرا ہےاور مناسب زاد راہ جمع کرلو کیونکہ (آخرت کا) سفر بہت طویل ہےاور سامان سفر کا بوجھ ہلکا رکھو کیونکہ گھاٹی بہت دشوار ہےاور ہر کام میں اخلاص پیدا کرو کیونکہ پر کھنے والا بڑا دانا ہے۔ (المنبہات لابن حجر عسقلانی،ص33)
حدیث :(522) بندگی کی حلاوت
حضرت عثمان غنی رضی اللہ تعالیٰ عنہ فرماتے ہیں کہ میں نے بندگی کی حلاوت اور لذت چار چیزوں میں پائی ، وہ یہ ہیں:
أُولَاهَا فِي أَدَاءِ فَرَائِضِ اللّٰهِ تَعَالىٰ، وَٱلثَّانِي فِي ٱجْتِنَابِ مَحَارِمِ اللّٰهِ تَعَالَىٰ، وَٱلثَّالِثِ فِي ٱلاَمْرِ بِالْمَعرُوفِ ٱبْتِغَاءَ ثَوَابِ ٱللّٰهِ وَٱلرَّابِعِ: فِي ٱلنّهيِ عَنِ الْمُنکَرِ ٱتِّقَاءَ غَضَبِ ٱللّٰهِ
(1) اللہ تعالیٰ کے فرائض و واجبات کو پابندی سے ادا کرنا (2) اللہ تعالیٰ کے حرام کردہ کاموں سے نفرت و اجتناب کرنا (3) اللہ تعالیٰ کی رضا کی نیت سے لوگوں کو نیکی کا حکم دینا (4) اللہ کے غضب کے خیال سے لوگوں کو برائیوں سے روکنا۔
چار چیزیں ایسی ہیں جو بظاہر ثواب کا باعث ہیں لیکن باطنی طور پر فرض کے مرتبہ میں ہیں:
(1)صالحین سے میل جول رکھنا نیک کام ہے لیکن ان کے نقش قدم پر چلنا لازم ہے (2)قرآن پاک کی تلاوت ثواب کا کام ہے لیکن اس کے احکام پرعمل کرنا فرض ہے (3)قبروں کی زیارت کرنا مستحب ہے لیکن قبر کے لیے تیاری کرنا بہت ضروری ہے (4)بیمار کی عیادت ثواب کا کام ہے لیکن اس کی وصیت پر عمل کرنا ملّی فریضہ ہے۔ (المنبہات لابن حجر عسقلانی،ص37)
حدیث :(523) پانچ تباہ کن باتیں
حضرت عبد اللہ بن عمررضی اللہ تعالیٰ عنہما سے روایت ہے کہ رسول اللہ ﷺ نے فرمایا:
يَا مَعْشَرَ الْمُهَاجِرِينَ خَمْسٌ إِذَا ابْتُلِيتُمْ بِهِنَّ، وَأَعُوذُ بِاللّٰهِ أَنْ تُدْرِكُوهُنَّ
اے مہاجرین کے گروہ! پانچ برائیاں ایسی ہیں کہ اگر تم ان میں مبتلا ہوئے (تو تمہارا کیا حال ہوگا) میں یہ برائیاں تمہارے اندر پیدا ہونے سے اللہ تعالیٰ کی پناہ مانگتا ہوں۔
1: زنا جب کسی قوم میں اعلانیہ ہونے لگے تو انہیں ایسی عجیب بیماریاں لاحق ہوتی ہیں جو پہلے لوگوں میں نہیں تھیں
2:ناپ تول میں کمی جب کسی قوم میں عام ہوجائے تو اللہ تعالیٰ اس پر قحط، خشک سالی اور ظالم حاکم مسلط کردیتا ہے
3:زکوٰۃ نہ دینا جس قوم میں پیدا ہوجائے ان پر آسمان سے پانی برسنا رک جاتا ہے اور اگر جانور نہ ہوں تو بالکل بارش نہ ہو
4:اللہ تعالیٰ اور رسول اللہ ﷺ سے بغاوت پھیل جائے تو اللہ تعالیٰ لوگوں پر دشمن کو مسلط کردیتا ہے
5:اگرمسلمان حاکم اللہ تعالیٰ کی کتاب کے مطابق حکومت نہ کریں تو مسلمانوں میں انتشار اور خونریزی پھیل جاتی ہے۔ (دیکھیے: سنن ابن ماجہ،حديث: 4019)
حدیث :(524) مال کی بہترین تقسیم
حضرت ابو ہریرہ رضی اللہ تعالیٰ عنہ سے روایت ہے کہ نبی کریم ﷺ نے فرمایا: ایک شخص کسی جنگل میں تھا اس نے بادل میں سے آواز سنی کہ
اسْقِ حَدِيقَةَ فُلَانٍ
فلاں کے باغ کو سیراب کر، پھر یہ بادل چلا اور ایک پتھریلی زمین پر پانی برسایا، پھر یہ سارا پانی جمع ہو کر ایک نالی میں بہنے لگا تو یہ شخص پانی کے پیچھے چلنے لگا پھر اس نے دیکھا کہ وہ پانی ایک باغ میں جارہا ہے اور ایک شخص باغ میں کھڑا ہوا بیلچے سے پانی کو باغ میں پھیلا رہا ہے اس نے پوچھا : اے اللہ کے بندے! تیرا نام کیا ہے؟ اس نے وہی نام لیاجو اس نے بادل سے سنا تھا ۔ اس نے کہا: میں نے ایک آواز سنی تھی کہ کوئی تیرا نام لے کر بادل کو کہہ رہا تھا کہ فلاں کے باغ کو سیراب کر، تو یہ بتا کہ تو کیا خاص نیکی کرتا ہے؟ اس نے جواب دیا میں اس باغ کی پیداوار کے تین حصے کرتا ہوں:
Page 90 of 116