کعبہ کے بدرالدجےٰ تم پہ کروڑوں درود
طیبہ کے شمس الضُّحٰی تم پہ کروڑوں درود
دل کروٹھنڈا میرا وہ کفِ پا چاند سا
سینے پر رکھ دو ذرا تم پہ کروڑوں درود
ہم نے خطا میں نہ کی تم نے عطا میں نہ کی
کوئی کمی . سرورا ، تم پہ کروڑوں درود
صلی اللّٰہ على النبى الامى و آله وسلم ،
برحمتک یا ارحم الراحمین
شجرہ عالیہ قادریہ رضویہ۔
یاالہٰی رَحم فرما مصطفٰی کے واسطے
یارَسُولَ اللّٰہ کرم کیجے خدا کے واسطے
مُشکِلیں حل کر شَہِ مُشکِل کشا کے واسطے
کر بَلائیں رَد شہیدِ کربلا کے واسطے
سیّدِ سجاد کے صدقے میں ساجِد رکھ مجھے
علمِ حق دے باقِرِ علمِ ہُدی کے واسطے
صِدقِ صادِق کا تَصَدُّق صادِقُ الاسلام کر
بے غَضَب راضی ہو کاظِم اور رضا کے واسطے
بَہرِ معروف و سَرِی معروف دے بے خُود سَرِی
جُندِ حق میں گِن جُنیدِ بَا صَفا کے واسطے
بَہرِ شِبلی شیرِ حق دُنیا کے کُتّوں سے بچا
ایک کا رکھ عبدِ واحِد بے رِیا کے واسطے
بُوالفَرَح کا صَدقہ کر غم کو فَرَح دے حُسن و سَعد
بُوالحَسن اور بُوسعیدِ سعد زا کے واسطے
قادِری کر قادِری رکھ قادِریوں میں اُٹھا
قدرِ عبدُالقادِرِ قدرت نُما کے واسطے
اَحْسَنَ اللّٰہُ لَہُمْ رِزْقًا سے دے رزقِ حَسَن
بَندۂ رَزّاق تاجُ الاصفِیا کے واسطے
نَصْراَبِی صَالِح کا صَدقہ صَالِح و مَنصور رکھ
دے حیاتِ دِیں مُحِیِّ جاں فِزا کے واسطے
طُورِ عِرفَان و عُلُو و حَمد و حُسنٰے و بَہا
دے علی موسیٰ حَسن احمد بَہا کے واسطے
بَہرِ ابراہیم مجھ پر نارِ غم گُلزار کر
بھیک دے داتا بِھکاری بادشا کے واسطے
خانۂ دِل کو ضِیا دے رُوئے اِیماں کو جَمال
شَہ ضِیا مولیٰ جَمالُ الاولیا کے واسطے
دے محمد کے لئے روزی کر اَحمد کے لئے
خوانِ فضلُ اللّٰہ سے حِصّہ گدا کے واسطے
دِین و دُنیا کی مجھے برکات دے بَرکات سے
عِشقِ حق دے عِشقیِ عِشقِ اِنتِما کے واسطے
حُبِّ اَہلِ بیت دے آلِ محمّد کے لئے
کر شہیدِ عِشق حمزہ پیشوا کے واسطے
دِل کو اچّھا تَن کو سُتھرا جان کو پُر نُور کر
اچّھے پیارے شمسِ دِیں بَدرُ العُلیٰ کے واسطے
دو جہاں میں خادِمِ آلِ رَسُولُ اللّٰہ کر
حضرتِ آلِ رسُولِ مُقتَدا کے واسطے
نورِ جان و نورِ ایماں نورِ قبر و حشر دے
بو الحسینِ اَحمد نُوری لِقا کے واسطے
کَر عطا اَحمد رَضائے اَحمدِ مُرسَل مجھے
میرے مَولی حضرتِ اَحمد رضا کے واسطے
بَہر اَمجد کر عطا ہم کو رَضائے مصطفیٰ
اور شریعت کی بَہاریں سیدی ابو العُلٰی کے واسطے
سایۂ جُملہ مشائخ یَاخدا ہم پر رہے
رَحم فرما آل رحمٰں مصطفی کے واسطے
گُنبدِ خَضراء کی ٹھنڈی ٹھنڈی چھاؤں میں
بلا نَائبِ غوث و رضا مولی ضِیاء کے واسطے
ظاہر و باطن کی کر اصلاح دے فَوز و فَلاح
مُصلحُ الدِین خَادم دِین ہُدٰی کے واسطے
حَق نُما و حَق نِگر حَق بِیں تُرابُ الحَق رہے
بو تُراب حق نُما شیر خدا کے واسطے
یا خدا اختر رضا کو چرخ پر اسلام کے
رکھ درخشاں ہر گھڑی اپنی رضا کے واسطے
صدقہ اپنے پیاروں کا ہم کو عطا ہو عز و جاہ
شاہ عبدالحق حسنِ اصفیاء کے واسطے
صَدَقہ ان اَعیاں کا دے چھ عَیْن عِز عِلم و عَمل
عَفوُ و عِرفَاں عَافِیت اس بے نَوَا کے واسطے